دایکندي: د رباط میرامور سړک ۵۲ سلنه کاري پرمختګ لري
دغه سړک چې ۱۲ کیلو متره اوږدوالی او ۸ متره پلنوالی لري د دایکندي له رباط بازار څخه پیل او د میرامور ولسوالۍ تر اسپلان سیمې پورې غځېدلی چې دا مهال یې رغنیزې چارې په بنسټیز ډول له ۵۲ سلنه پرمختګ سره روانې دي.
دا سړک به نه یوازې د سیمې د خلکو ګڼې ټرانسپورټي ستونزې هوارې کړي بلکې دایکندی به د بامیانو او غزني له پخو لارو سره هم ونښلوي.
ډایکنډي د افغانستان له هغو ولایتونو څخه دی چې کم پاخه سړکونه پکې رغیدلي، اوس مهال ټولګټو وزارت د متوازن پرمختګ د اصل په پام کې نیولو سره د دې ولایت ډېر سړکونه تر کار لاندې لري چې په جوړېدو سره به یې د یاد ولایت د خلکو لاسرسی نورو سیمو ته اسانه شي.
