د اوسپنيزې کرښې مرستيال محترم مولوي محمد اسحاق صاحبزاده له آقینې بندر څخه لیدنه وکړه
د ټولګټو وزارت د اوسپنيزې کرښې مرستيال محترم مولوي محمد اسحاق صاحبزاده آقینې بندر ته د خپل کاري سفر پرمهال ددغه بندر څخه د ليدنې او ارزونې ترڅنګ له ملي تجارانو سره هم وکتل.
په دغه سفر کې د ټولګټو وزارت د اوسپنیزې کرښې مرستیال له آقینې بندر څخه د انتقالاتو د چټکتيا او د ياد بندر د جغل اچونې له چارو څخه هم لیدنه وکړه.
نوموړي اړوند مسوولينو ته د شته ستونزو د حل په موخه لازمې لارښوونې وکړې.
دا په داسې حال کې ده، چې د ټولګټو وزارت د اوسپنيزې کرښې مرستيال وړاندې له حيرتان بندر څخه لیدنه کړې وه او د حيرتان بندر د ريلي او غير ريلي برخو د ترميماتو، د انتقالاتو د سرعت او د ياد بندر د ترميم شويو برخو ګټې اخيستنې ته د سپارلو په تړاو خبرې اترې شوې وې.
ټولګټو وزارت تل هڅه کوي، چې د هېواد د لويو لارو، سړکونو او اوسپنيزې کرښې په رغونې، ترميم او بیارغونې سره درنو هېوادوالو ته بشپړې ټرانسپورتي اسانتياوې رامنځته کړي.
