د تړون د اعطاء د پرېکړې خبرتیا
![د تړون د اعطاء د پرېکړې خبرتیا](/sites/default/files/2024-08/whatsapp_image_2024-06-01_at_09.17.55_47d409de_4.jpg)
د ټولګټو وزارت په نظر کې لري چې د کابل، هرات او لوګر د تلو د اړتیا وړ د شپږو حلقو څاګانو د کیندلو پروژې تړون چې د MOPW/1403/W-014/NCB پېژندې ګڼې درلودونکی دی د تدارکاتو د قانون او طرزالعمل په اساس د ریفارمر ساختمانی او انجینیری شرکت ته چې D-32656 جواز لرونکی دی، په 4,384,200 څلورمیلیونه، درې سوه څلوراتیا زره او دوه سوه افغانی) ټولیزه بیه ورکول کیږي.
ټول حقیقي او حکمي کسان چې هر ډول نیوکې ولري کولای شي خپلې نیوکې د خپرېدو د نېټې څخه تر اووه تقویمي ورځو پورې په لیکلې بڼه د هغو دلایلو سره یوځای د ټولګټو وزارت د تدارکاتو ریاست ته چې په ملالۍ واټ، د پخوانۍ وزارت داخلې پر لارې او د معلوماتو او سرشمېرنې ملی ادارې تر څنګ موقعیت لري، د تدارکاتو د قانون د پنځوسمې مادې د حکمونو سره سم وړاندې کړي.
دا خبرتیا د تړون د عقد په مانا نه ده او د پورته یادې شوې نېټې او قانوني پړاونو تر بشپړېدو پورې به دا تړون ونه تړل شۍ.