د هېواد په یو شمېر ولایتونو کې لویې لارې او سړکونه د وروستیو اورښتونو له رسوبي موادو څخه پاک کاري شوي دي
د وروستیو ورښتونو او سېلابو نو رواتلو له امله د هېوا د په یوشمېر ولایتونو کې د سېلابونو پاتې شوني او رسوبي مواد د سړکونو مخې ته را وتلي وو او درنو هېواد والو ته یې د سفر پررمهال ستونزې رامنځ ته کړې وې، چې د ټولګټو وزارت د ولایتي ریاستونو لخوا پاک کاري او شته ستونزې حل شوي دي.
د ورستویو سېلابونو او اورښتونو د رسوبي موادو له امله د کنړ – نورستان عمومي سړک، غور – هرات او د تخار بدخشان سړکونو کې هېوادوالو ته د تګ راتګ پرمهال ستونزې رامنځ ته شوې وې، چې د ټولګټو وزارت د اړوند ولایتي ریاستونو په شپه او ورځ هڅو پاک کاري او د هېواد والو شته ستونزې حل شوې دي.
دغه راز د پنجشیر ولایت په قابضان سیمه کې یو پایه پل چې د سېلابونو له امله زیان من شوی وو د یاد ولایت د ټولګټو ریاست د ساتنې او څارنې د پلان له مخې تحکیم کاري او ترمیم شوی دي، ترڅو د پله د لا تخریب مخه ونیول شي.
د ټولګټو وزارت تل هڅه کوي چې هېواد والو ته بشپړې ترانسپورتي آسانتیاوې رامنځ ته کړي او د اورښتونو او سېلابونو پرمهال چمتو والی لري چې د هیواد لویې لارې او سړکونه د درنو هېواد والو پرمخ پرانیستي وساتي.
