د ټولګټو وزارت دوه تنه رئیسان تبدیل او معرفي شول
د ټولګټو وزارت د وړاندیز او د ریاستالوزرا عالي مقام د (۸۱۴۶) ګڼې (۳۰/۱۱/۱۴۴۷) نېټې حکم پر بنسټ، محترم انجنیر نادرشاه ځاځی، چې وړاندې یې د یاد وزارت د پروژو مدیریت ریاست د رئیس په توګه دنده ترسره کوله دامهال د ټولګټو وزارت د سړکونو ساتنې او څارنې ریاست د رئیس په توګه تبدیل او وټاکل شو.
همدارنګه محترم انجنیر محمد اېمل عمر، چې وړاندې یې د یاد وزارت د سړکونو ساتنې او څارنې ریاست د رئیس په توګه دنده ترسره کوله د یاد وزارت د پروژو مدیریت د رئیس په توګه تبدیل او وګمارل شو.
لومړی د ټولګټو وزارت د کارکوونکو چارو رئیس محترم مولوي فضل الرحمن فضلي له لوري، د نوو رئیسانو مقررۍ په هکله د ریاست الوزرا عالي مقام حکم ولوستل شو او یاد رئیسان د یو شمېر مرکزي رئیسانو په شتون کې د اړوند ریاستونو کارکوونکو ته ور وپیژندل شول.
په پای کې محترمو رئیسانو او مسئولینو نوموړو ته په چارو کې د لوی څښتن تعالی له دربار څخه د لا بریاوو غوښتنه وکړه.
