په غزني ولایت کې د اجرستان ولسوالۍ د خون کوتل ۳۰ کیلومتره سړک رغنیزې چارې د څه باندې ۳۴۶.۷ میلیونه افغانیو په ارزښت پيل شوې
د ا.ا.ا د ټولګټو وزارت له لوري په غزني ولایت کې د اجرستان ولسوالۍ د خون کوتل ۳۰ کیلومتره سړک رغنیزې چارې د څه باندې ۳۴۶.۷ میلیونه افغانیو په ارزښت د یاد ولایت د رئیس محترم مولوي عبد القدیر بلال، یوشمېر سیمه ییزو مسئولینو او قومي مخورو په شتون کې پيل شوې.
دغه سړک ۳۰ کیلومتره اوږدوالی لري، چې د اجرستان او مالستان ولسوالۍ د خون کوتل له لارې یو له بل سره نښلوي او په اوږدو کې یې د یو شمېر پلونو، پلګوټو، واشونو او استنادي دېوالونو د رغونې کار هم شامل دی چې د یو کال په موده کې به یې رغنیزې چارې بشپړې او ګټې اخیستنې ته وسپارل شي.
د یاد سړک د کار په جریان کې به د سیمې یو شمېر اوسېدونکو ته د کار زمینه برابره شي او د کار په بشپړېدو سره به یې د اجرستان او مالستان ولسوالیو د تلونکو خلکو د تګ راتګ، د سوداګریزو توکو او کرنیزو محصولاتو د انتقالاتو په برخه کې بشپړې اسانتیاوې رامنځ ته شي.
