د اجارې ورکولو د پرېکړې خبرتیا - د بلخ ولایت د ټولګټو ریاست د پخوانۍ ودانۍ د ۲ جریبه او ۴ بیسوې موازي ځمکې د اجارې ورکولو خبرتیا
Publish Date
Closing Date
په همدې وسیله ټولو درنو داوطلبانو ته خبر ورکول کېږي چې د ټولګټو وزارت په پام کې لري چې د بلخ ولایت د ټولګټو ریاست د پخوانۍ ودانۍ ۲ جریبه او ۴ بیسوې موازي ځمکه په اجاره ورکړي.
له ټولو حقیقي او حکمي اشخاصو څخه چې په دې برخه کې پانګونې ته لېوالتیا لري، په درنښت بلنه ورکوي؛ ترڅو د یادې ځمکې د سوداګریزو، صنعتي، خدماتي او نورو ورته تأسیساتو د جوړولو په موخه یو اغېزمن، اقتصادي او د پلي کېدو وړ طرحه ترتیب او د ۱۴۰۵/۹/۸ نېټې پورې یې د ټولګټو وزارت د تدارکاتو ریاست د اجناسو د تدارکاتو آمریت ته، چې د کورنیو چارو وزارت د پخوانۍ ودانۍ څلورلارې، د احصایې او معلوماتو ملي ادارې ترڅنګ موقعیت لري وسپاري.
وړاندې شوې طرحې باید لاندې موارد ولري:
۱. د ځمکې د کارونې د موخې او ډول روښانه او هر اړخیزه تشریح
۲. د پلان شوو تأسیساتو لومړنۍ طرحه
۳. اقتصادي تحلیل او د لګښتونو لومړنۍ اټکل
۴. د پروژې د پلي کېدو مهالوېش
۵. د طرحې احتمالي، اقتصادي او ټولنیزې ګټې
۶. د اجارې موده: محترم داوطلبان باید د ځمکې د اجارې لپاره خپله وړاندیز شوې موده په کلونو او میاشتو کې په څرګند ډول مشخصه کړي
۷. د میاشتني کرایې اندازه؛ داوطلب باید د میاشتني کرایې وړاندیز په څرګند، مستند او واضح ډول وړاندې کړي.
د آفر تضمین: فعلاً د تطبیق وړ نه دی.
د طرحو د سپارلو نېټه : د ۱۴۰۵/۹/۸ نېټه، د سهار ۱۰:۰۰ بجې.
د طرحو د سپارلو ځای: د ټولګټو وزارت د تدارکاتو ریاست د اجناسو د تدارکاتو آمریت.
یادونه: که چېرې د ۱۴۰۵/۹/۸ نېټه د حکومت له لوري په ناڅاپي ډول عمومي رخصتي اعلان شي، د یادې ځمکې د اجارې اړونده طرحه به په راتلونکې کاري ورځ، په هماغه ټاکلي وخت او ځای کې ترلاسه کېږي.
