د ارملک ــ لامان سړک د دوهمې برخې رغنیزې چارې بشپړي او نیږدي راتلونکې کې به ګټي اخیستني ته وسپارل شي
د ارملک ــ لامان سړک د دوهمې برخې رغنیزې چارې بشپړي او نیږدي راتلونکې کې به ګټي اخیستني ته وسپارل شي
د ارملک ــ لامان حلقوي سړک د هرات ولایت له کرخ ولسوالۍ څخه پیل او د بادغیس ولایت تر لامان سیمې غځیدلی، دا سړک ۵۲ کیلومتره اوږدوالی، ۱۱ متره پلنوالی، ۲۱۷ پایې پلچکونه او په زرګونو متره مکعب استنادي دیوالونه لري، چې د څه باندې ۶۰.۴ میلیونه ډالرو په ارزښت د سعودي عربستان پراختیایي صندوق لخوا تمویل شوي چې د ۴۱ کیلومتره چارې مخکې بشپړې شوي او د دویمې برخې د رغونې کار روان دی.
د یادې پروژې دوهمه برخه ۱۱ کیلومتره اوږدوالی لري، د جوړولو کار یې د سبزک کوتل په سیمه کې چې په ثاني سالنګ مشهوره ده روانې دي چې ډیر ژر به بشپړ او ګټي اخیستني ته و سپارل شي.
دا سړک د مهمو ملي پروژو له ډلي څخه ده چې په شمال ختیځ دهلیز باندې مشهور او د افغانستان د حلقوي سړک یوه برخه تشکیلوي.
د یادې پروژې بشپړیدل، د افغانستان د لویدیځو ولایتونو او مرکزي آسیا هیوادونو ( تاجکستان، ترکمنستان او قزاقستان) تر منځ د سوداګرۍ پراختیا او د لیږد په برخه کې د اسانتیاوو تر څنګ د سړک په اوږدو کې د پرتو او ځایي سیمو د اقتصادي ودي لامل ګرځي.
د ټولګټو وزارت ــ کابل
لړم ۱۴، ۱۳۹۹
