د امام صاحب ولسوالۍ له مرکزه تر بش کپه کلي پورې د سړک جوړلو کار ۹۲ سلنه بشپړ شوی
دا کانکریټي سړک چې ۱۴.۵ کیلومتره اوږدوالی لري، د کندوز ولایت د امام صاحب ولسوالۍ له مرکزه تر بش کپه کلي پورې غځیدلی، چې اوس مهال یې د رغوني کار ۹۲ سلنه بشپړ شوی
د یاد سړک رغنیز کار د څه باندې ۹۷ میلیون افغانیو په ارزښت له یوه خصوصي ودانیز شرکت سره تړون شوی، چې مالي لګښت یې د هیواد له ملي بوديجې څخه ورکول کیږي
د دې پروژې د رغنیز کار پرمهال، د کندوز ولایت د امام صاحب ولسوالۍ اوسېدونکو ته په مستقیم او غیرمستقیم ډول ۱۴،۹۷۰ کاري ورځي رامنځته شوي
د یاد سړک د رغنیز کار له بشپړیدو سره به د سړک اړوند کلیو د اوسېدونکو ترانسپورتي ستونزي هواري شي او تر پخوا به په اسانه ډول د امام صاحب ولسوالۍ مرکز ته تګ راتګ وکړي
د ټولګټو وزارت رسنیز دفتر