د خوست او نورستان د ټولګټو ریاستونو لخوا ترسره شوي ورځني فعالیتونه:
د ټولګټو وزارت د خوست او نورستان ولایتونو ټولګټو ریاستونو د ورځنیو فعالیتونو په لړ کې له شته ماشینري او اړوند فني او تخنیکي پرسونل څخه په مؤثرې ګټې اخیستنې سره لاندې فعالیتونه ترسره کړي.
خوست:
د خوست ولایت د موسی خيلو ولسوالۍ اسفالټي سړک چې د ورستیو سیلا بونو د پاتې شونو له امله ډک او خلکو ته یې ترانسپورتي ستونزې رامنځته کړي وې، د یاد ولایت د ټولګټو ریاست لخوا پاک کاري او د ترافیکو پرمخ پرانیستل شو.
نورستان:
د نورستان ولایت عمومي سړک، چي په چتراس سیمه کې د غر ښویېدني له امله د ترافیکو پرمخ بند او خلکو ته یې ستونزې را ولاړې کړي وې، د دغه ولایت د ټولګټو ریاست د ماشینري او فني پرسونل لخوا له خاورو او ډبرو څخه پاک کاري او د ترافیکو پرمخ پرانیستل شوه.
