د درنو موټرچلونکو د پام وړ!
ټولګټو وزارت روان کال د سالنګونو لویېلارې د پلان شویو برخو کار نوی بشپړ کړی دی، په همدې اساس یاد وزارت د وسایطو له ټولو موټر چلوونکو څخه په درنښت هیله کوي چې لاندي دوه ټکو ته دې په ټینګه پاملرنه وکړي:
１- باروړونکې وسایط دې د ټولګتو وزارت د تلو له معیار او مقررې سره سم وزن انتقال کړي ترڅو د سړک د رغول شویو برخو د بیا ویجاړیدو، او تلو ته څیرمه د ترافیکي ګڼې ګوڼې سبب نه شي، هغه وسایط چې وزن یې د تلو له معیار څخه زیات وي دیاد وزارت د مقررې له مخې درول کیږي.
２- ټولګټو وزارت د سالنګونو لویې لارې اړوند د تونل په اوږدو کې د هواکشونو لپاره پَکې نصب کړي دي ترڅو هېواد وال د تونل دننه له ستونزو سره مخ نشي، د دې لپاره چې پَکې تخریب نشي وسایط نشي کولای له ۴ متره او ۳۰ سانتي مترو څخه په زیاته ارتفاع بار انتقال کړي.
دغه راز ټولګټو وزارت له ټولو درنو هېواد والو او موټر چلوونکو څخه هیله کوي، چې د خپل سر او مال د خوندي ساتلو په موخه دې د لویو لارو د مؤظفینو لارښوونو ته پاملرنه وکړي، ترافیکي قوانین دې مراعت کړي او د زیان منونکو سیموڅخه د تیریدو پرمهال دې ګرمې جامې، ژمني توکي او د وسایطو لياره ځنځیر( چین ) له ځان سره ولري.
