د غور په لعل سرجنګل ولسوالۍ کې د سړک رغنیزې چارې ۵۱ سلنه پرمختګ لري
دا جغلي سړک چې څه باندې ۱۰ کیلومتره اوږدوالی لري، د غور ولایت د لعل سرجنګل ولسوالۍ اړوند له سر تکه غال کلي څخه پیل او تر پل دهنه تکه غال پورې غځیږي، چې اوس مهال یې رغنیز کار له ۵۱ سلنه پرمختګ سره دوام لري.
د سړک دا پروژه د ټولګتو وزارت او دوو سیمه ییزو شوراګانو تر منځ تړون شوي چې مالي لګښت یې د هیواد له پراختیایي بودیجې څخه ورکول کیږي.
د یاد سړک د رغنیز کار له بشپړیدو سره به د لعل سرجنګ ولسوالۍ ګڼ کلي د دې ولسوالۍ له مرکز او له دې لارې د غور ولایت له مرکز چغچران ښار سره ونښلول شي.
ټولګټو وزارت خلکو ته د ټرانسپورټي اسانتیاوو د رامنځته کولو په موخه هڅه کوي چې د پخو، کانکریټي او جغلي سړکونو پراختیايي پروژې پلي کړي او له دې لارې د هیواد لرې پرتې سیمې د ولسوالیو او ولایتونو له مرکزونو سره ونښلوي.
