د هیواد د لویو لارو او سړکونو د عمومي وضعیت څرنګوالی
د ټولګټو وزارت د ولایتي ریاستونو د راپور په اساس د هیواد د لویو لارو او سړکونو وضعیت په لاندې ډول دی:
د سالنګ لویه لار: هوا لمر ده، له ټیلري یا بار وړنکو موټرو پرته واړه موټر د ځنځیر (چاین) په تړلو سره له دواړو لورو په دې لویه لار تګ راتګ کولی شي.
غور: د دې ولایت د بندبایان مسیر بند دی چې د پاکولو کار یې د قراردادي شرکت له لوري روان دی، نورې لارې پرانیستې دي.
دایکنډي: د دې ولایت د آب دم ګرکه بازار څخه د خدیر ولسوالۍ تر مرکز پورې، له میانه قول کوتل څخه تر قخور کلي پورې، له دهن ګل خواجه څخه تر سنګ تخت بازار پورې مسیرونه د تګ راتګ پرمخ بند دې، خو د دې ولایت نورې لارې بیا پرانیستې دي.
بغلان: په دې ولایت کې د جلګه خوست، خوست فرنګ میسرونو تر څنګ د ګذرګاه نور او خوست ده صلاح لارې د واورې د ډیر اورښت له کبله بندې شوې چې د پاکولو کار یې روان دی، خو نورې لارې بیا تر دې مهاله پرانیستې دي.
هرات: د دې ولایت د ګلران – هرات لار د سیلاب د پاتې شونو له کبله د ټيلري یا باروړنکو موټرو پر مخ بنده ده؛ خو واړه موټر بیا له دواړو لورو پرې تګ راتګ کولی شي.
بامیان: په دې ولایت کې هوا لمر ده، له دښت دیوالي څخه تر پنجاب بازار پورې، له پنجاب تر آبقول او د کرمان په مسیرونو کې چې له وړاندې برف کوچ راغلی و اوس مهال پاک کاري شوی دی او یاد مسیرونه پرانیستې دي.
د یادونې وړ ده، چې د هیواد د نورو ولایتونو غځېدلي لارې د ترافیکو د تګ راتګ پرمخ پرانیستې دي او تر دې مهاله د تګ راتګ پر وړاندې کوم خنډ نشته.
