د هیواد د لویو لارو او سړکونو د وضعیت څرنګوالی
د ټولګټو وزارت د ولایتي ریاستونو د راپورونو په اساس د هیواد د لویو لارو او سړکونو وضعیت په لاندې ډول دی:
د ټولګټو وزارت د ولایتي ریاستو د پرسونل په هڅو د غور، دایکنډي او غزني ولایتونو هغه لارې چې د ورستیو واورو له کبله بندې شوي وې بیرته د ترافیکو پرمخ پرانیستل شوې.
د سالنګ لویه لار: په سالنګ کې هوا لمر ده، دا مهال یاده لویه لار د ټیلري یا بار وړونکو موټرو پرمخ له یوه لوري (له جنوب څخه شمال ته) تګ راتګ کولی شي، خو واړه موټر بیا له دواړو لورو پرې تګ راتګ کولی شي.
