د ټولګټو وزارت د یو شمیر ولایتي ریاستونو ورځني فعالیتونه

ashraf_admin
چهارشنبه ۱۴۰۱/۷/۶ - ۱۲:۱۲
د ټولګټو وزارت د یو شمیر ولایتي ریاستونو ورځني فعالیتونه

هیوادوالو ته د ترانسپورتي اسانتیاوو د برابرولو په موخه د ټولګټو وزارت ټول ولایتي ریاستونه له شته ماشینري او اړوند تخنیکي پرسونل څخه په ګټې اخیستلو سره هره ورځ د هیواد په بیلابیلو برخو کې د سړکونو، لویو لارو، پلونو او پلګوټو ویجاړې شوې برخې ترمیم او بیارغوي او همدارنګه له شته سړکونو او پلونو څخه دوامداره ساتنه او څارنه کوي، چې د یو شمیر ولایتونو د نن ورځې فعالیتونه په لاندې ډول دي:

د بدخشان ولایت د یفتل پایان ولسوالۍ په لنګر سیمه کې د ۱۰ کیلومتره سړک رغولو (احداث) کار پیل شوی دی، د یاد سړک په رغولو سره به د شهربزرګ ولسوالۍ د علیکل بندر له لارې د بخشان ولايت له مركز سره ونښلي.

بل لورته د لغمان ولایت اړوند د کابل - جلال اباد عمومي سړک شولډرونو د ترمیم او پر دغه مسیر د ویالو، واشونو او پلګوټو د پاکولو کار دوام لري.

په ورته مهال، د سالنګ لویې لارې په  بیلا بیلو برخو کې د سړک د ټپي برخو د پینه کاري، چغل اچونې او د پلګوټو د ترمیم او پاک کاري چارې روانې دي. دغه راز؛ په فاریاب ولایت کې د دولت آباد – اندخوی ولسوالیو عمومي سړک د ټپي برخو د داغګیري کار هم روان دی.

همدا شان، د پنچشیر ولایت د ټولګټو چارو رئیس د یاد ولایت د ۶۰ کیلومتره عمومي سړک د ترمیم او بارغونې له کاري بهیر څخه لیدنه وکړه او په ټاکلي وخت د یادې ترمیماتي پروژې پر بشپړېدو او د کار د غوره کیفیت په موخه يې اړوند مسؤولینو ته لازمې لارښوونې وکړې.

د ټولګټو وزارت رسنیز دفتر

...

2 میاشتې ago

...

...
aa

تازه خبرونه

سه‌شنبه ۱۴۰۱/۹/۱ - ۱۳:۳۸
Background image

د شیخ ابونصر فراهي سړک د جوړولو کار په چټکۍ سره روان دی

د شیخ ابونصر فراهي سړک د درېیم لاټ (میل ۷۸) د اساسي رغونې کار په چټکۍ سره مخ پر وړاندې روان دی، چې په نږدې راتلونکي کې به یې د قیر اچونې چارې هم پیل شي. د شیخ اوبونصر فراهي سړک، ټولټال. . .

دوشنبه ۱۴۰۱/۸/۳۰ - ۱۰:۵۷
Background image

د سالنګ لویې لارې د نن ورځې وضعیت:

دا مهال د سالنگ پر لویه لار بار وړونکي موټر له شمالي لوري څخه حرکت کوي او مسافر وړونکي موټر له دواړو لورو څخه په عادي ډول د حرکت په حال کې دي. د ټولګټو وزارت د سالنګونو د ساتنې او څارنې. . .

شنبه ۱۴۰۱/۸/۲۸ - ۱۳:۴۰
Background image

خوست: د موسی خیلو ولسوالۍ د غلنګ پُل د اساسي جوړولو کار پیل شو

د خوست ولایت د موسی خیلو ولسوالۍ د غلنګ پُل د جوړلو کار د سیمې د اوسېدونکو او حق خیریه بنسټ په مالي مرسته د سیمه اییزو چارواکو په شتون کې پیل شو.

یاد پُل د خوست ولایت د موسی خیلو او. . .

BACK TO NEWS