د ټولګټو وزارت سرپرست د دې وزارت له کارکوونکو او خدماتي پرسونل سره وکتل

wali_admin
یکشنبه ۱۴۰۰/۵/۳۱ - ۱۴:۲۵
د ټولګټو وزارت سرپرست د دې وزارت له کارکوونکو او خدماتي پرسونل سره وکتل

 

د ټولګټو وزارت سرپرست وزیر مولوي صاحب بخت الرحمن شرافت نن یک شنبه د ۱۴۰۰ لمریز کال د زمري میاشتې په ۳۱ نیټه د دې وزارت له ګڼ شمیر کارکوونکو او خدماتي پرسونل سره وکتل او د هغوی ستونزې یې د حل په موخه واوریدې.

د غونډې په پیل کې د ټولګټو وزارت سرپرست مولوي صاحب بخت الرحمن شرافت خبرې وکړي او ویې ویل: د افغانستان اسلامي امـارت د جهاد او مبارزې له اوږد او ستونزمن پړاو څخه تیر شوی او لومړيتوب يې ولس ته خدمت او د هیواد بیا رغول دي، سرپرست وزیر همداراز زیاته کړه چې د افغانستان اسلامي امـارت به د خلکو په ایثار او قرباني لاسته راغلی فرصت هیڅ کله ضایعه نکړي.

د ټولګټو سرپرست وزیر زیاته کړه؛ اوس د اقتصادي خپلواکۍ وخت دی او اقتصادي خپلواکي هغه وخت تر لاسه کیدای شي چې ټول افغانان په یووالي، رښتنولي او پوره ژمنتیا سره ګډ کار وکړي. نوموړي زیاته کړه چې د افغانستان اسلامي امـارت د هیواد د بیارغونې لپاره ټینګ هوډ لري او د وزارت ټولو کارکوونکو ته یې ډاډ ورکړ چې خپلو دندو ته ادامه ورکړي او له دې لارې د هیواد په ابادۍ او اقتصادي پیاوړتیا کې خپله دیني او ملي وجیبه ادا کړي.

په پای کې د ټولګټو وزارت ځینو کارکوونکو د نورو په استازولي خبرې وکړې او خپلې ستونزې او وړاندېزونو يې د حل په موخه د وزارت له رهبرۍ سره شریک کړل، د ټولګټو وزارت سرپرست د یاد وزارت د کارکوونکو وړاندیزونه او ستونزې واوریدلي او د ټولو ستونزو د هوارولو ژمنه او ډاډ یې ورکړ.

تازه خبرونه

دوشنبه ۱۴۰۰/۷/۱۹ - ۹:۵۷
Background image

د کابل – میدان ښار د ۸ کیلومتره سړک د ترمیم اساسي چارې رسماً پیل شوې

د کابل – میدان ښار د ۸ کیلومتره سړک د ترمیم اساسي چارې رسماً پیل شوې

د کابل ښار د کمپنۍ له پُل څخه د میدان ښار په لور د ۸ کیلومتره سړک د ترمیم ( قیرریزي ) چارې د ټولګټو وزارت د تخنیکي. . .

یکشنبه ۱۴۰۰/۷/۱۱ - ۱۴:۴۰
Background image

د سالنګ لویې لار د ٣٠ کیلومتره سړک د ترمیم چارې دوام لري

د شمالي او جنوبي سالنګ ٣٠ کیلومتره سړک چې د افغانستان اسلامي امارت له خوا د څه باندې ٥٣ میلیونه افغانیو په ارزشت تړون شوی اوس مهال یې د ترمیم چارې په چټکۍ سره رواني دي.

یکشنبه ۱۴۰۰/۷/۴ - ۲۲:۳
Background image

د ټولګټو وزارت تخنیکي مرستیال د خوړو نړیوال سازمان له رئیس او د افغانستان لپاره د ملل متحد د ځانګړي استازي له مرستیال سره وکتل

د ټولګټو وزارت تخنیکي مرستیال سید ادریس میر، په داسي حال کې چې د یاد وزارت یو شمیر رئیسانو هم حضور درلود، په افغانستان کې د خوړو نړیوال سازمان ( WFP) له رئیس میرمن مری الن، او د. . .

BACK TO NEWS