د ټولګټو وزارت سرپرست وزیر د سالنګونو لویې لارې د دریو برخو له کاري بهیر څخه لیدنه وکړه

kalim_admin
شنبه ۱۴۰۳/۷/۲۱ - ۱۵:۱۸
د ټولګټو وزارت سرپرست وزیر د سالنګونو لویې لارې د دریو برخو له کاري بهیر څخه  لیدنه وکړه

د ټولګټو وزارت سرپرست وزیر محترم الحاج ملا محمد عیسی ثاني پرون جمعه سالنګونو لویې لارې ته د خپل کاري سفر په ترڅ کې، د یادې لویې لارې د دریو برخو شمالي سالنګ، جنوبي سالنګ او دوشي خنجان سړک له کاري بهیر څخه له نږدې لیدنه وکړه.
نوموړي د سالنګونو لویې لارې د قراردادي شرکتونو مسئولینو او تطبیق کوونکو ټیمونو ته دنده ورکړه، چې د یادې لويې لارې پلان شوې برخې د ژمې د سړې هوا له رارسېدو وړاندې ورغوي او د قراردادي شرکتونو مسئولینو او تطبیق کوونکو ټیمونو هم ډاډ ورکړ، چې پلان شوې برخې به د ژمې له رارسېدو وړاندې ورغوي.
د ټولګټو وزارت سرپرست وزير د يادې ليدنې پرمهال د سالنګونو لويې لارې د ساتنې او څارنې له رياست څخه هم ليدنه ترسره کړه، هغه د ياد رياست له فعاليتونو څخه خوښي وښوده او د مننې ترڅنګ يې د ياد رياست مسوولينو د همکارۍ ډاډ ورکړ.
د یادې لویې لارې اړوند له تونل څخه تر ۱۶مې ګالرۍ پورې د CTB او کانکریټ اچونې کار بشپړ شوی او ۱۰ ګالرۍ (پنځه په شمالي سالنګ او پنځه په جنوبي سالنګ) کې تر کار لاندې دي، چې په یادو ګالریو کې د بېلابېلو طبقاتو کار جریان لري، په ځینو ګالریو کې د CTB طبقو کار بشپړ شوی دی، چې کانکریټ اچونې ته چمتو دي او په ځینو نورو ګالریانو کې د سبیس او فلتري طبقو کار بشپړ شوی دی، چې د CTB  طبقو لپاره چمتو شوي دي.
همدارنګه، په شمالي سالنګ کې د خنجان – دوشي سړک د اسفالټ اچونې کار له خنجان څخه دوشي لوري ته مخ په وړاندې جریان لري.
دغه راز، د درنو هېوادوالو او موټر چلوونکو د هوسا تګ راتګ لپاره د سالنګونو د ساتنې او څارنې ریاست د شته پرسونل او ماشینرۍ له لوري د شمالي او جنوبي سالنګونو د سړک د هموار کارۍ کار بشپړ شوی دی او د ځینو برخو د ترمیماتو کار یې جریان لري

...

2 کلونه 3 میاشتې ago

...

...

تازه خبرونه

شنبه ۱۴۰۴/۶/۱ - ۱۴:۲۵
Background image

ټولګټو وزارت د کندهار - دايکنډي او باميان - دايکنډي په عمومي مسيرونو کې د ۶ میلیونه افغانیو په ارزښت د دوو ترمیماتي پروژو چارې پيل کړې

د دايکنډي ولايت اړوند د لادوگگ تپې د ۳ کیلومتره سړک د جغل اچولو پروژه، چې ۱۱ پایې پلچکونه هم پکښې شامل دي؛ د (۴۳۰۰۰۰۰) افغانیو په ارزښت او د ياد ولایت د شهرستان ولسوالۍ اړوند د ۲۰ کیلوم. . .

پنجشنبه ۱۴۰۴/۵/۳۰ - ۱۲:۲۰
Background image

د کابل – کندهار لویې لارې د څلورمې برخې د درېیمې طبقې د آسفالټ چارې د میدان وردګ ولایت اړوند جریان لري

د کابل – کندهار لویې لارې اړوند د څلورمې برخې ۳۷.۶ کیلومتره سړک چې د سیدآباد ولسوالۍ له بازار څخه پیل د غزني ولایت ترحدودو یا عزیزکلا سیمې پورې رسیږي د سب بیس، بیس کورس، ATB، بیندرکورس. . .

چهارشنبه ۱۴۰۴/۵/۲۹ - ۱۵:۵۷
Background image

د ټولګټو وزارت محترم وزیر د کابل – جلال آباد لویې لارې له دویم لین سړک له رغنیزو چارو څخه لیدنه وکړه

د ټولګټو وزارت محترم وزیر الحاج ملا محمد عیسی ثاني د کابل – جلال آباد لویې لارې له دویم لین سړک د کابل ولايت له لوري د پخواني کانکریټي سړک په دوام  د ۳۲ کيلومتره برخې له کاري بهیر، کرش. . .

BACK TO NEWS