د ټولګټو وزارت مرستیالانو د ایران سفارت له اقتصادي مستشار سره وکتل

ashraf_admin
دوشنبه ۱۴۰۰/۸/۳ - ۲۲:۴۸
د ټولګټو وزارت مرستیالانو د ایران سفارت له اقتصادي مستشار سره وکتل

د ټولګټو وزارت مالي او اداري مرستیال محترم مولوي بخت الرحمن شرافت او د دې وزارت تخنیکي مرستیال محترم سید ادریس میر د ایران سفارت له لومړي اقتصادي مستشار او د اقتصادي اړیکو له مسوول حسن شیرزادي سره په داسې حال کې وکتل چې د یاد وزارت د دفتر رییس محترم مولوي امیر عبدالله او محترم قاري محمد یعقوب هم شتون درلود.

لومړی د ټولګټو وزارت مرستیالانو په بیلابیلو برخو کې د ایران هیواد، له مرستو څخه مننه او قدردانی وکړ او پر مشترکو او متقابلو همکاریو یې ټینګار وکړ.

په دې ناسته کې دواړو لورو د دواړو هیوادونو پر تاریخي اړیکو، داقتصادي اړیکو په پیاوړتیا، د بندرونو په ٢٤ ساعته فعالیت، له ایران هیواد څخه د میل ٧٨ پروژې لپاره د ودانیزو توکو لیږد، د دوغارون مرزي سړک اسفالټ اچونه، د خواف - هرات اوسپنې پټلۍ چارو بشپړول، د هرات - مزارشریف اوسپنې پټلۍ ته لومړیتوب ورکول او  د ابونصر بندر د اوسپنې پټلۍ د مطالعاتو په اړه هراړخیزې خبرې وکړې.

ورپسې د ایران سفارت، لومړي اقتصادي مستشار خبرې وکړې او له افغانستان سره یې په بیلابیلو برخو کې د دوامدارو مرستو ژمنه او ډاډ ورکړ هغه زیاته کړه؛ موږ غواړو افغانستان له اقتصادي پلوه په ځان بسیا شي او د یادو پروژو پر تطبیق یې ټینګار وکړ.

۱۸ ربیع الاول ۱۴۴۳

د ټولګټو وزارت رسنیز دفتر

تازه خبرونه

پنجشنبه ۱۴۰۰/۹/۱۱ - ۱۰:۳۷
Background image

په کابل کې د افغانستان او ازبکستان د اوسپنې پټلۍ پلاوي ترمنځ ناسته ترسره شوه

د افغانستان او ازبکستان هیوادونو د اوسپنې پټلۍ د پلاوي ترمنځ پرون په ارګ کې او نن ورځ په ټولګټو وزارت کې ناسته ترسره شوه؛ په دې ناسته کې داړو لورو هوکړه وکړه، چې له مرکزي آسیا څخه سویلي. . .

پنجشنبه ۱۴۰۰/۹/۴ - ۱۱:۶
Background image

ټولګټو وزارت د کابل ۔ کندهار لویې لارې ترمیماتي سروې پیلوي

د ټولګټو وزارت د رهبرۍ په لارښوونه د کابل ۔ کندهار لویې لارې د ترمیماتي سروې لپاره د دې وزارت له بیلابیلو برخو څخه ٣٢ انجنیران غوره شوي دي، د انجنیرانو یاد ټیم به د افغان صداقت او باختر. . .

شنبه ۱۴۰۰/۸/۲۹ - ۲۲:۲۶
Background image

د ټولګټو وزارت دری تنه نوي رئیسان دندو ته ور وپیژندل شول

د ا.ا.ا، د ټولګټو وزارت د رهبرۍ له لزوم دید سره سم محترم انجنیر عامر یاسر د پروژو د کنترول او کیفیت سرپرست رئیس، محترم مفتي هارون رشید د ادارې او خدماتو سرپرست رئیس، مولوي حمیدالله. . .

BACK TO NEWS