د کابل ــ لوګر دوهم لاټ سړک د جوړولو کار۸۴ سلنه بشپړ شوی
د کابل ــ لوګر دوهم لاټ سړک د جوړولو کار۸۴ سلنه بشپړ شوی
دا سړک له محمد آغه ولسوالۍ څخه پيل د لوګر ولایت تر مرکز پل علم پورې غځیدلی چې ۲۴.۱۵ کیلومتره اوږدالی، ۱۰ متره پلنوالی چې ۷ متره یې د موټر د تیریدلو لپاره ده، یوه پایه ۱۰ متره پل او ۸۹ پایي پلچکونه لري، چې له یوه خصوصي ودانیز شرکت سره قرارداد شوی او د افغانستان حکومت لخوا تمویل کیږي چې تر دا مهاله یې د جوړولو کار ۸۴ سلنه پرمختګ کړی.
یاد سړک له مهمو ملي لویې لارو څخه ګڼل کیږي چې د هیواد سهیل ختیځ ولایتونه له مرکز سره نښلوي دغه راز د سیمه اییز اتصال، د ترافیکو په کموالي، اقتصادي زون ته د لوګر ولایت د بدلولو تر څنګ، د کرنې په وده، د کانونو سپړل، بازارونو ته د سیمه اییزو تولیدي محصولاتو عرضه کول، د جلغوزو او لرګي سوداګرۍ په پراختیا کې اغیزمن رول لري.
د ټولګټو وزارت ــ کابل
لړم ۱۵، ۱۳۹۹
