سرپل – جوزجان سړک د ترمیم او بیارغونې کار پیل شو
د شبرغان – سرپل سړک د ترمیم او بیارغونې کار د اوو پایو پُلګوټو په شمول د سرپل ولایت د یو شمېر سیمه اییزو مسؤولینو او د ټولګټو رئیس په حضور کې پیل شول.
دا ترمیماتي پروژه د ۱.۸ میلیونه افغانیو په ارزښت، د ټولګټو وزارت او نوبهار سرپل، ودانیز او سړک جوړونې شرکت تر منځ قرارداد شوې ده.
د یادې پروژې د کار په جریان کې به، د سیمې یو شمېر اوسېدونکو ته په مستقیم او غیر مستقیم ډول د کار زمینه برابره شي او د کار له بشپړېدو سره به د خلکو د تګ راتګ ستونزې هوارې شي.
ټولګټو وزارت تل هڅه کوي؛ چې د شته سړکونو د خوندیتوب او هیوادوالو ته د غوره ترانسپورتي اسانتیاوو د رامنځته کولو په موخه؛ له پلان سره سم د ساتنې او څارنې پروژې په ټول هیواد کې تطبیق کړي.
د ټولګټو وزارت رسنیز دفتر
