غزني: د مقر – ناوې سړک د موټرو د تګ راتګ پرمخ پرانیستل شو
د غزني ولایت د مقر – ناوې ولسوالیو ترمنځ غځیدلی سړک، چې په ګداخیلو سیمه کې د سیلابونو د پاتې شونو له کبله د موټرو پر مخ بند شوی و، دا مهال د غزني ولایت د ټولګټو ریاست د ماشینرۍ او پرسونل لخوا د موټرو د تګ راتګ پرمخ پرانیستل شو.
همدارنګه د یاد ریاست د پرسونل لخوا د سیمې د اوسیدونکو یوه عراده چپه شوی فولډر موټر را وښکل شو او شاوخوا ۱۵۰ لوی او واړه موټر چې په یاده سیمه کې بند پاتې وه هم خلاص شول، دا مهال د تګ راتګ پر وړاندې کوم خنډ نشته او خلک کولی شي په ډاډه زړه تګ راتګ وکړي.
د ټولګټو وزارت رسنیز دفتر
