ملت ته د دولت د ځوابي برنامو په لړ کې نن د اسلامي امارت د رسنیو په مرکز کې ټولګټو وزارت د یو کلن فعالیت او لاسته را وړنو په اړه کنفرانس وړاندې کړ 

ashraf_admin
یکشنبه ۱۴۰۱/۶/۱۳ - ۱۵:۵۶
ملت ته د دولت د ځوابي برنامو په لړ کې نن د اسلامي امارت د رسنیو په مرکز کې ټولګټو وزارت د یو کلن فعالیت او لاسته را وړنو په اړه کنفرانس وړاندې کړ 

 

په دې کنفرانس کې، چې د ټولګټو وزارت تخنیکي مرستیال مولوي عبدالکریم  فاتح او د دغه وزارت ویاند محترم حمیدالله مصباح ګډون کړی و، ویې ویل: ټولګټو وزارت سره له دې چې کافي اندازه بودیجه یې په اختیار کې نه وه، خو پر دې سربیره توانیدلی، چې د قراردادي شرکتونو او د وزارت د ولایتي ریاستونو اړوند ماشینرۍ او تخنیکي پرسونل څخه په ګټې اخیستلو سره د (۶۲) میلیونه افغانیو په ارزښت د هیواد په یو شمیر ولایتونو کې (۱۸۳۱) کیلومتره سړک، (۱۰۰۰) متره پل، (۴۰۴) متره استحکامي پل، (۱۱۴۲) کیلومتره د سړک پاک کاري او (۱۱۴۷) متره استنادي دیوال ترمیم، نصب او له سره بیا رغولي دي.

هغه همدارنګه زیاته کړه، ټولګټو وزارت په تیر یوه کال کې توانیدلی، چې د ژمي په موسم کې څه باندې ١٨٠٠ کیلومتره سړکونه او لویې لارې د شاوخوا ٤٠ میلیونه افغانیو په ارزښت له واورو او د ورستیو سیلابونو له پاتې شونو څخه پاک کاري کړي او د تګ راتګ پرمخ یې پرانیستلي دي، هغه همدارنګه وویل چې  د کابل ۔ کندهار لویې لار، د سالنګ لویې لارې د ترمیم او بیارغونې کار په نږدې راتلونکي کې پیل شي او د کابل- کندهار لويې لارې دويم لين سړک، د کابل حلقوي سړک، د سالنګ دويم تونل او د غور- هرات سړک پروژې د دغه وزارت په پلان کې نیول شوې دي.

 هغه همدارنګه د وزارت په تشکیلاتو کې د اصلاحاتو د رامنځته کول او د ٩٠٣ خالي بستونو ډکول او ده راز د ادارې اصلاحات ادارې له لارې د یو شمیر تخنیکي بستونو د استخدام او د غصب شویو ملکیتونو د بیرته راګرځولو    یادونه وکړه.

 ورسته د ټولګټو وزارت ویاند محترم مولوي حمید الله مصباح خبرې وکړې او د افغانستان اسلامي امارت د بریا په لومړیو شپو او ورځو کې، د ټولګټو وزارت له لوري د کابل – کندهار لویه لار د ۶۵ کیلومترو په اوږدوالی سره د ۶۹ میلیونه افغانیو په ارزښت، د قلات – شینکۍ سړک داغ ګیري او د دغه مسیر د پُلګوټو ترمیم د ۶ میلیونه افغانیو په ارزښت او ۵ پایې پُلونه چې اوږدوالی یې ۱۵۵ متره دی د ۱۵ میلیونه افغانیو په ارزښت قرارداد کړي وې، چې دا مهال د یادو ټولو پروژو کار بشپړ شوی دی.

محترم مصباح زیاته کړه: دا مهال د کابل – کندهار لویې لار ( کندهار – زابل ) د اساسي ترمیم چارې، چې د هیوادوالو لپاره د خوښۍ زیرۍ دی پیل شوې او اوس مهال یې عملاً د بیارغونې کار دوام لري، همدارنګه د ټولګټو وزارت رهبري او تخنیکي ټیمونو له کورنیو او بهرنیو خصوصي ودانیزو شرکتونو سره مسلسلې غونډې تر سره کړې دي، تر څو د کابل – کندهار لویه لار له خصوصي سکتور سره په همغږۍ د (ټول پلازا) له لارې په اساسي ډول ترمیم او بیا ورغوي او دغه وزارت لازم چمتوالی نیولی تر څو د تونل په ګډون د سالنګ ۳۰ کیلومتره لویه لار اساسي ترمیم کړي،

ښاغلی مصباح وویل: ټولګټو  وزارت توانیدلی، چې د بیارغونې د ترسره شویو کارونو تر څنګ، د (۲۰۵) کیلومتره ویجاړ سړک او د (۴۱۰۰) مترو په اوږدوالي سره د (۵۸۳) ویجاړو پُلګوټو ترمیماتي سروې تر سره کړي همدارنګه (۱۸۴) پایې پُلګوټي چې اوږدوالی يې (۳۱۲۸) متره کیږي او (۶۱۰) متره استنادي دیوالونه نوې سروې او ډیزاین شوې دي.

 هغه د نیمګړو پراختیايي پروژو په هکله وویل: ټولګټو وزارت شاوخوا (۵۰) پراختیايي پروژې لري، ټولګټو وزارت سره له دې چې کافي بودیجې یې په لاس کې نه لرله، خو پر دې سربیره یې هڅه کړي تر څو هغه انکشافي پروژې چې رغنیز کار یې نیمګړی پاته دی او په تېره اداره که نه دي تکمیل شوې، تکمیل کړي.
له دې جملې د کابل – لوګر دویم لین سړک یادولی شو، چې د یادې پروژې د تکمیل په موخه ۱۵ میلیونه افغانۍ د وزارت له لوري شرکت ته تسلیم شوې دي، تر څو د یادې پروژې پاته رغنیز کار بشپړ کړي.
همدارنګه، د ابونصر فراهي سړک، چې د ایران هیواد له لوري رغول کیږي، قرارداد یې د افغانستان اسلامي امارت او دوست هیواد ایران ترمنځ تمدید شوی او د پروژې رغنیز کار عملاً په ساحه کې جریان لري.

 هغه همدارنکه زیاته کړه، د وزارت د غصب شویو ځمکو د بیرته راګرځولو لړۍ یې له کابل ولایت څخه پیل کړې، چې تر دې مهاله په کابل ولایت کې د دغه وزارت شاوخوا ٢٠٠ جریبه غصب شوې ځمکه را ګرځول شوې ده او په ولایتونو کې هم دوام لري.


د ټولګټو وزارت رسنیز دفتر

...

12 ساعتونه ago

...

...

تازه خبرونه

پنجشنبه ۱۴۰۱/۷/۷ - ۱۳:۲۲
Background image

لوګر: د خوښي – ازري ۴۵ کیلومتره سړک د هموارکاري او چغل اچونې کار دوام لري:

د لوګر ولایت د ټولګټو ریاست د ماشینري او تخنیکي پرسونل پر مټ د دغه ولایت د خوښي – ازري سړک د هموارکاري او چغل اچونې کار دوام لري.

دا سړک، چې ۴۵ کیلومتره اوږدوالی لري، د یاد ولایت له. . .

پنجشنبه ۱۴۰۱/۷/۷ - ۱۱:۵۲
Background image

د ټولګټو وزارت د کلني پلانونو د تطبیق په موخه د ظرفیت لوړونې ۱۰ ورځنی سیمینار تر سره شو

د ټولګټو وزارت د کلني پلانونو د تطبیق او د ریاست الوزرأ د عالي مقام حکم د اجرأ په موخه د دغه وزارت د کارکوونکو او مفتشینو د ظرفیتونو لوړولو په موخه ۱۰ ورځنی سیمینار جوړ شو.

په دغه. . .

چهارشنبه ۱۴۰۱/۷/۶ - ۱۲:۱۲
Background image

د ټولګټو وزارت د یو شمیر ولایتي ریاستونو ورځني فعالیتونه

هیوادوالو ته د ترانسپورتي اسانتیاوو د برابرولو په موخه د ټولګټو وزارت ټول ولایتي ریاستونه له شته ماشینري او اړوند تخنیکي پرسونل څخه په ګټې اخیستلو سره هره ورځ د هیواد په بیلابیلو برخو. . .

BACK TO NEWS