په غزني کې د یوه پایه پُل د ترمیم او په سمنګان کې د ۱.۸ کیلومتره استنادي دېوال د سروې چارې بشپړي شوې
د ټولګټو وزارت د مسلکي او تخنیکي ټیمونو لخوا د غزني ولایت اړوند د کابل ـ کندهار پر لویه لار د پښ کندې پله د سروې کار د ترمیم او بیارغونې په موخه ترسره شو.
همدارنګه، د سمنګانو ولایت په پوزه فیروز نخچر (غزني ګک) سیمه کې د ۱.۸ کیلومتره استنادي دېوال د سروې کار د ښار جوړوني او اراضی ریاست په همغږۍ بشپړ شو.
ټولګټو وزارت پلان لري، چې د مالي امکاناتو په تمویل سره د یادو پروژو عملي کار پیل کړي.
