په کونړ کې د ۵۰۰ متره استنادي دیوال کار پیل شو
![په کونړ کې د ۵۰۰ متره استنادي دیوال کار پیل شو](/sites/default/files/2022-10/whatsapp_image_2022-10-08_at_12.35.03_pm_0.jpeg)
د ټولګټو وزارت له لوري په کونړ ولایت کې د ۵۰۰ متره استنادي دیوال کار پیل شو.
د استنادي دیوال دا پروژه د کونړ – ننګرهار مسیر په بېلابیلو برخو کې د یاد سړک د ساتنې په موخه تطبیقیږي.
د استنادي دیوال په دغه پروژه ټولټال دوه میلیونه افغانۍ لګښت راځي، چې د ا.ا.ا، له بودیجې څخه ورکول کیږي.
د یادې پروژې د کار پرمهال د سیمې یو شمیر اوسېدونکو ته د کار زمینه برابره شي او د کونړ – ننګرهار سړک د بېلابیلو برخو له تخریب څخه به مخنیوی وشي.
ټولګټو وزارت پلان لري، چې په راتلونکي کې د کونړ – ننګرهار سړک د ویجاړو او ټپي برخو د ترمیم او بیارغونې کار هم پیل کړي.
د ټولګټو وزارت رسنیز دفتر