د نورستان په کامدیش ولسوالۍ کې د سړک رغنیز کار ۶۰ سلنه بشپړ شوی
دا جغلي سړک چې ۸.۸۴ کیلومتره اوږدوالی لري، د کامدیش ولسوالۍ له عمومي سړک څخه پیل او د دې ولسوالۍ تر کامدیش کلي پورې غځیدلی، چې تر دې مهاله یې رغنیزې چارې له ۶۰ سلنه کاري پرمختګ سره دوام لري
یاده پروژه د څه باندې ۲۹ میلیونه افغانیو په ارزښت، د ټولګټو وزارت لخوا له یوې سیمه ییزې شورا سره تړون شوی چې مالي لګښت یې د هیواد له ملي بودیجې څخه ورکول کېږي
د دغه سړک د رغنیز کار له بشپړیدو سره به د نورستان ولایت د کامدیش ولسوالۍ د اوسېدونکو ټرانسپورټي ستونزې هواري شي او د سړک اړوند کلي به د کامدیش ولسوالۍ له مرکز سره ونښلي، همدارنګه د دې پروژې د رغنیز کار په جریان کې به د سیمې اوسېدونکو ته په مستقیم او غیر مستقیم ډول ۶۵۷۴۸ کاري ورځې رامنځته شي
