د جلال آباد ښار دننه سړکونو رغنیز کار بشپړ او په نږدې ورځو کې به ګټې اخستنې ته وسپارل شي
د جلال آباد ښار دننه سړکونو رغنیز کار بشپړ او په نږدې ورځو کې به ګټې اخستنې ته وسپارل شي
د غبرګولي ۹مه، ۱۴۰۰
دا سړکونه چې ۹.۳۷۲ کلیلومتره اوږدوالی لري، د جلال آباد ښار دننه په څلورو بیلابیلو برخو کې جوړ شوي چې لومړۍ برخه یې د فارم هډې - کړییز سړک، دویمه برخه یې په توحید مېنه کې، دریمه برخه یې په لسمه ویاله او څلورمه برخه یې په اکمالاتي بیس سیمه کې موقعیت لري، چې اوس مهال یې رغنیزې چارې بشپړې شوې خو یوازې د سړک نښې یې پاته دي چې هغه به هم په نږدې ورځو کې بشپړې شي.
دا پروژه د څه باندې ۱۲۸ میلیونه افغانیو په ارزښت د ټولګټو وزارت له لوري له یوه خصوصي ودانیز شرکت سره تړون شوي چې مالي لګښت یې د هیواد له ملي بودیجې څخه ورکول شوی.
له دې سړک څخه به د جلا آباد ښار د فارم هډې، توحید مېنې، لسمې ویالې او اکمالاتي بیس سیمو د اوسېدونکو ترانسپورتي ستونزې هوارې او د چاپېریال د پاکوالي تر څنګ به ښاري ګڼه ګوڼه ورسره کمه شي.
د ټولګټو وزارت رسنیز دفتر
