د پنجشیر ولایت د دره ولسوالۍ سړک تحکیم کاري شول
د پنجشیر د ټولگټو ریاست لخوا د دې ولایت د دره ولسوالۍ د غځېدلي سړک ویجاړې شوې برخې تحکیم کاري شوې.
دا سړک د ټولگټو وزارت رهبرۍ په رسمي لارښوونه د دې ولایت د ټولگټو ریاست له لوري تحکیم کاري شول.
د يادونې وړ ده، د دې سړک د آسیب منونکو برخو له تحکیم کاري سره به د دره ولسوالۍ اوسېدونکو ته د تگ راتگ په برخه کې د پخوا په پرتله اسانتیاوې رامنځته شي.
دا سړک د دې ولایت د انجنیري ټیم د سروې په اساس چې له وړاندې ترسره شوې وه تحکیم کاري شول؛
د دې ولایت د ټولگټو ریاست پلان لري چې په دې ولایت کې ځینې نور سړکونه هم تحکیم کاري کړي.
په ورته وخت کې، د پنجشیر ولایت د دره ولسوالۍ اوسېدونکي د ټولگټو ریاست له دې کار څخه خوښي څرگندوي او په دې ولسوالۍ کې د بیارغونې په لا ډیرو کارونو ټینگار کوي.
د یادونې وړ ده، چې د پنجشیر ولایت د لویې لارې د ویجاړې شویو برخو د تحکیم کاري کار د دې ولایت د ټولگټو ریاست له لوري له وړاندې پیل شوی دی.
