د زابل ولایت په شينکۍ ولسوالۍ کې د يو پايه اوسپنيز کانکریټي پل د ترمییم او بیا رغونې چارې د ۴۱ میلیونه افغانیو په ارزښت بشپړې شوې
د زابل ولایت په شينکۍ ولسوالۍ کې د قلات - شينکۍ پر مسير د يو پايه اوسپنيز کانکریټي پل د ترمیم او بیا رغونې چارې بشپړې شوې او نن د یو شمېر سیمه اییزو مسئولینو په شتون کې ګټې اخیستنې ته وسپارل شو.
دغه پل چې، ۵۶.۱۵ متره اوږدوالی لري د ترمیم او بیا رغونې چارې یې تېر کال د عالیقدر امیرالمؤمنین حفظه الله د حکم پر بنسټ د ټولګټو وزارت او صداقت افغان ودانيز شرکت ترمنځ د شاوخوا ۴۱ ميليونه افغانيو په ارزښت قرارداد شوې وې چې د يوکال په موده کې يې کار بشپړ او ګټې اخيستنې ته وسپارل شو.
ياد پل چې د زابل ولايت (شملزو، اتغر او شينکۍ) ولسوالۍ له مرکز قلات سره نښلوي، د وروستیو کلونو د سېلابونو له امله تخریب شوی و، چې د يادو ولسواليو اوسېدونکي یې د تګ- راتګ پرمهال له ستونزو سره مخ کړي و دیاد پل په بیارغونې سره به مرکز قلات ته په اسانۍ سره تګ- راتګ کوي.
