په بلخ ولايت کې د يوې پايې تلې د رغولو او د دوه حلقې د اوبو څاګانو د کيندلو کار د څه باندې ۳.۴ ميليونه افغانيو په ارزښت پيل شو
د ټولګټو وزارت له لوري د بلخ ولايت حيرتان دوراهي په جيرتان سيمه کې د يوې لويې تلې « ترازو» او د دوه حلقو څاګانو رغنیزې چارې د ټولګټو وزارت د اوسپنيزې کرښې د مرستيال محترم الحاج مولوي محمد اسحاق صاحب زاده او د بلخ ولايت د ټولګټو د رئیس الحاج مولوي عبدالصبور صابر په شتون کې پيل شوې.
دغه تله ( ترازو) او دوه حلقې د اوبو څاګانې ټولګټو وزارت او یو خصوصي شرکت ترمنځ د ۳۴۷۳۹۹۴ افغانیو په ارزښت قرارداد شوې دي چې د دریو میاشتو په موده کې به یې کار بشپړ شي.
د يادونې وړ ده چې په یاده سیمه کې یوه بله تله هم شتون لري چې یاده تله د باروړونکو وسایطو د ګڼې ګوڼې د مخنیوي او موټر چلوونکو د آسانتیاوو لپاره رغول کیږي او په رغولو سره به یې د پخوانۍ تلې شاوخوا ګڼه ګوڼه کمه، د لوړ تناژ باروړونکو موټرو وزن کنټرول او د آسفالټي سړک له ویجاړېدو څخه به مخنیوی وشي.
