د ا.ا.ا د ټولګټو وزارت له لوري د بلخ– دولت آباد سړک د ترمیم چارې د ۶.۳ میلیونه افغانیو په ارزښت پيل شوې
د بلخ– دولت آباد سړک د ترمیم چارې د بلخ ولایت مقام د والي مرستیال محترم مولوي نورالهادي ابو ادریس، دیاد ولایت د تولګټو رئیس مولوي عبدالصبور صابر، سیمه ییزو مسؤلینو، مجاهدینو او د سیمې د ځینو مخورو په شتون کې پیل شوې.
د بلخ– دولت آباد سړک ۲۷.۸ کیلومتره اوږدوالی لري، چې د ترمیم چارې د ټولګټو وزارت او خصوصي سکتور ترمنځ د ۶.۳ میلیونه افغانیو په ارزښت قرارداد شوې دي، چې دامهال یې کار رسماً پيل شو.
په یاده پروژه کې د سړک د فرش د ترمیم ترڅنګ د یو شمیر پلګوټو او د سړک د اوږو( شولډرو) د ترمیم کار هم شامل دی، چې د دریو میاشتو په موده کې به یې کار بشپړ او ګټې اخیستنې ته وسپارل شي.
د یادونې وړ ده، چې د یادې پروژې د چارو په بشپړیدو سره به د خلکو ټرانسپورتي ستونزې د پخوا په پرتله هوارې شي.
