د پکتیا ولایت له ګردیزه تر روحاني بابا پوري د سړک رغولو چارې له ۲۳ سلنه ډیري مخته تللي
د پکتیا ولایت له ګردیزه تر روحاني بابا پوري د سړک رغولو چارې له ۲۳ سلنه ډیري مخته تللي
دا سړک ۶.۵۵۰ کیلومتره اوږدوالی او د پلي لارې په شمول ۹، ۱۰، ۱۱ متره پلنوالی لري همدارنګه دا سړک یو ۱۵ متره پل، په بیلابیلو اندازو کې ۲۱ پایې پلچکونه، ۱۰۸۹ متره استنادي دیوالونه او ۱۰۱۴ متره ویالې لري.
د څه باندې ۱۳۶ میلیونه افغانیو په ارزښت له یوه خصوصي ساختماني شرکت سره قرارداد شوی او تر دې مهاله یې د جوړولو کار ۲۳ سلنه پرمختګ کړی.
یاده پروژه پکتیا او پکتیکا ولایتونه سره نښلوي چې په بشپړولو سره به یې د پکتیا ولایت مرکز ګردیز له روحاني بابا او زرمت ولسوالیو سره ونښلي او د جاپان هیواد له خوا تمویل کیږي.
د دې سړک په جوړولو سره به د سیمې د اوسیدونکو ټرافیکې ستونزې هواري شي دغه راز د توکو او کرنیزو محصولاتو په لیږد کې اغیزمن رول لري.