په بامیانو کې د یوه ۵۷ متره پُل د جوړولو کار ۱۲ سلنه پرمختګ لري
دا آهن کانکریټي ګاډري پُل چې ۵۷ متره اوږدوالی لري، د بامیانو ولایت د ورث ولسوالۍ اړوند په قول حیدر کلي کې جوړیږي، چې ۱.۵ کیلومتره سړک هم لري
د دې پروژې تړون د څه باندې ۴۴ ميلیونه افغانیو په ارزښت له یوه خصوصي ودانیز شرکت سره تړل شوی چې تر دې مهاله یې د جوړلو چاري له ۱۲ سلنه کاري پرمختګ سره دوام لري
د یادې پروژې د رغنیز کار پر مهال د سیمې اوسېدوونکو ته په مستقیم او غیر مستقیم ډول ۹۷۰ کاري ورځو رامنځته کیدو اټکل شوی او له بشپړیدو ورسته به ترې ۶۴۷ تنه په مستقیم ډول ګټه واخلي
همدارنګه د هلمند پر سیند د یاد پُله له بشپړیدو سره به، بامیان ولایت د ناهور د دښتې له لارې له غزني ولایت او د غورګردان کوتل له لارې د وردګو له بهسودو ولسوالۍ سره ونښلوي، چې د یادو ولسوالیو په اتصال کې بیساري اهمیت لري او د پُل شاوخوا کلیو د اوسېدوونکو د تګ راتګ ستونزي به ورسره هواري کړي
ټولګټو وزارت ـ کابل
