د بګرام له دوه لارې تر جبل سراج پوري د سړک رغنيزي چارې ۳۰ سلنه بشپړې شوي
۰دا سړک د بګرام له دوراهي څخه پیل د پروان ولایت تر جبل السراج ولسوالۍ پورې غځیدلی، یاد سړک ۲۵.۶ کیلومتره اوږدوالی او ۱۰.۲ متره پلنوالی لري، ۳ پایي پلونه ۱۰۶ پايي پلچکونه ، ۱۱ دانې زير ګوزر(ځمک تلې) لري، چې د څه باندي یونیم میلیارده افغانیو په ارزښت له یوه خصوصي ساختماني شرکت سره قرارداد شوی او په دوو لینو کې جوړیږي تر دې مهاله یې د جوړولو کار يې ۷۰ سلنه بشپړ شوی چې مالي لګښت یې د افغانستان حکومت له ملي بوديجې څخه ورکول کيږي.
یاد سړک د شمال ــ جنوب دهلیز له مهمو برخو څخه ګڼل کیږي چې د هیواد شمال له مرکز سره نښلوي همدارنګه اقتصادي وده، د کرنې، پراختیا او د ژوند د وضعیت په ښه والي کې اغیزمن رول لري.
یاد سړک د پورته ګټو سربیره به د بګرام دوراهی، سرای مجل، سرقل اسیه، روباط، چیکل، ده مسکین، لغمانی کهنه، لغماني، قلعه خواجه، شهرچاریکار، د غوربند بندر، جنګل باغ، تتمدره، اخته چی، زیربیا، متک، قول چمچو خانه، کوه شا توتک، فرقه، میرخان، میانه ګذر او جبل سراج سیمو اوسیدونکي ترې ګټه واخلي.
د ټولګټو وزارت - کابل
د وري ۳مه ۱۴۰۰
