د مزار شریف – دره صوف سړک د ویجاړو برخو د ترمیم او داغګیرۍ چارې جریان لري
![د مزار شریف – دره صوف سړک د ویجاړو برخو د ترمیم او داغګیرۍ چارې جریان لري](/sites/default/files/2023-10/whatsapp_image_2023-10-02_at_2.59.07_am_2.jpeg)
د ټولګټو وزارت لخوا، د مزار شریف – دره صوف ولسوالۍ د ۴۶.۳ کیلومتره سړک د ویجاړو برخو د ترمیم او داغګیري کار د بلخ ولایت د محترم مرستیال والي، د ټولګټو رئیس او یوشمېر سیمه اییزو مسؤولینو په شتون کې پیل او دامهال جریان لري.
د سړک په دغه ترمیماتي پروژه کې د ۱۰۰ متره استنادي دیوال او دوو پایو پُلګوټو د ترمیم کار هم شامل دي، چې چارې یې د ټولګټو وزارت او برات بلدوزر او ګلستان دایکندي شرکتونو سره د څه باندې ۱۶ میلیونه افغانیو په ارزښت قرارداد شوې، چې لګښت یې د دغه وزارت له بودیجې څخه ورکول کیږي او تر راتلونکي څلور میاشتو پورې به یې کار بشپړ شي.
دیادونې وړده، چې د یادې ترمیماتي پروژې د کار په جریان کې به د سېمې یو شمېر اوسېدونکو ته د کار زمینه برابره شي او د کار له بشپړېدو سره به یې د سړک له نور تخریب څخه مخنیوی وشي او ورسره به د خلکو ترانسپورتي ستونزې د پخوا په پرتله هوارې شي.