په لوګر ولایت کې د دوو پروژو چارې د۹.۶ میلیونه افغانیو په ارزښت بشپړې شوې
د ا.ا.ا د ټولګټو وزارت له لوري په لوګر ولایت کې د دوو پروژو چارې د۹.۶ میلیونه افغانیو په ارزښت د لوګرولایت د والي مرستیال محترم الحاج مولوي محمد انور دین پرور، د یاد ولایت د ټولګټو رئیس مولوي جنت ګل سراج، سیمه ییزو مسؤلانو او قومي مخورو په شتون کې بشپړې شوې.
د لوګر – ګردیز لویې لارې اړوند د تېرې کوتل څخه تر سفید سنګ پورې د ګارد ریلونو او ترافیکي علایمو د نصبولو چارې د ۷.۵ میلیونه افغانیو په ارزښت او د یاد ولایت په التمور سیمه کې د التمور لوړتناژ تلې د ۱۵۰ متره نښلوونکي سړک د کانکریټ چارې د ۲.۱ میلیونه افغانیو په ارزښت بشپړې شوې دي.
یادې پروژې د ترافیکي پېښو د مخنیوي په موخه د وسایطو د خوندیتوب او د لوړ تناژ باروړونکو وسایطو د آسانتیاوو د رامنځته کولو لپاره تطبیق شوې دي.
