د کابل – پروان لویې لارې د پخواني لین سړک د ترمیم او بیارغونې کار د ۲۹ میلیونه افغانیو په ارزښت جریان لري
![د کابل – پروان لویې لارې د پخواني لین سړک د ترمیم او بیارغونې کار د ۲۹ میلیونه افغانیو په ارزښت جریان لري](/sites/default/files/2023-10/whatsapp_image_2023-10-23_at_14.21.49_a9c84fc9.jpg)
د کابل – پروان لویه لار؛ د هېواد له موهیمو لویو لاروڅخه ده چې له مرکز سره د پروان ولایت پرنښلون سربیره د هېواد شمال ولایتونو ته د تجارتي او زراعتي توکو په لېږد رالېږد کې اساسي رول لري.
ټولګټو وزارت د دغې لویې لارې اقتصادي اهمیت ته په کتو د یادې لویې لارې د پخواني لین سړک د ترمیم او بیارغونې کار د کابل له دروازې څخه د پروان ولایت تر جبل سراج ولسوالۍ پورې پیل کړی، چې دا مهال یې کار عملاً جریان لري.
د غه پروژه د ټولګټو وزارت او یو خصوصي ودانیز شرکت ترمنځ د ۲۹ میلیونه افغانیو په ارزښت قرارداد شوی چې لګښت یې د دغه وزارت له بودیجې څخه ورکول کیږي.
د یادونې وړ ده، چې د یادې پروژې د کار له بشپړیدو سره به، پر دغه لاره د تلونکو خلکو ترانسپورتي ستونزې د پخوا په پرتله هوارې شي او خلک به په آسانۍ سره د هېواد شمالي ولایتونو ته تګ راتګ وکړي.