د سړک جوړولو ملي انسټيټوټ او د اوسپنې پټلۍ ملي انسټيټوټ هوکړه ليکونه لاسليک شول

mopw_admin
شنبه ۱۳۹۹/۶/۸ - ۱۲:۵۹
د سړک جوړولو ملي انسټيټوټ او د اوسپنې پټلۍ ملي انسټيټوټ هوکړه ليکونه لاسليک شول

د سړک جوړولو ملي انسټيټوټ او د اوسپنې پټلۍ ملي انسټيټوټ هوکړه ليکونه لاسليک شول

د افغانستان د اوسپنې پټلۍ خپلواکې ادارې لوى رئيس او د ټولګټو وزارت سرپرست محمد يما شمس د تخنيکي او مسلکي زده کړو ادارې له مشرې ميرمن نديمه سحر سره د دغو دوو سکټورونو د همکاريو پياوړتيا او د انساني ځواک د پرمختګ په موخه د سړک جوړولو ملي انسټيټوټ او د اوسپنې پټلۍ ملي انسټيټوټ هوکړه ليکونه لاسليک شول

د افغانستان د اوسپنې پټلۍ خپلواکې ادارې لوى رئيس او د ټولګټو وزارت سرپرست محمد يما شمس، دغه هوکړه ليکونه د هيواد د سړک جوړولو او د اوسپنې پټلۍ په سکټورونو کې د کارکونکو په ظرفيت لوړيدو او د زده کړو په برخه کې مهم ګام ياد کړ او زياته يي کړه، په دغه هوکړه ليکونو کې د دواړو لوريو مسووليتونه واضح او مشخص دي.

ښاغلي شمس وويل، د يادو انسټيټوټونو رامنځته کيدل له يوې خوا د سړک جوړولو او اوسپنې پټلۍ برخو کې د زده کړو، تجربې او کارموندنې زمينه برابروي او له بلې خوا هغه لګښت چې د اوسپنې پټلۍ ادارې په کارکونکو له هيواد څخه د باندې په زده کړو مصرف کيږي، هغه به داخل په هيواد کې مصرف شي او په ملي پانګه کې به سپما راغلې وي.

هغه زياته کړه، د افغانستان د اوسپنې پټلۍ قانون پر بنسټ، دا اداره د اوسپنې پټلۍ انسټيټوټ په رامنځته کولو کې مکلفه ده او تراوسه ېې د دې ادارې ګڼ شمير کارکونکي د مسلکي زده کړو دورو د تيرولو او تجربو لاسته راوړلو په پار باندنيو هيوادونو ته ليږل شوي دي او اوسمهال هم د افغانستان د اوسپنې پټلۍ ادارې کارکونکي په ازبيکستان هيواد کې د ليسانس په کچه زده کړې کوي.

د تخنيکي او مسلکي زده کړو ادارې مشرې ميرمن نديمه سحر، د دې دوو انسټيټوټونو هوکړه ليکونه د دغه دوو سکټورونو کارکونکو د ظرفيت او زده کړو د کچې په لوړلو او د تخنيکي او مسلکي زده کړو ادارې فارغينو ته د کارموندنې او د درې واړو ادارو تر منځ په ګډه د همکاريو په پياوړتيا کې مهم وبلل.

هغې زياته کړه، د تخنيکي او مسلکي زده کړو اداره د اړتياو له مخې د مسلکي سکټورونو په ظرفيت لوړولو کې ځانګړې برنامې په لاس کې لري او په پام کې ده چې د دې درې واړو ادارو ګډه کميټه به د انسټيټوټونو د رامنځته کولو، د زده کړو نصاب او د سټنډرډونو مطابق به د زده کوونکو او د استادانو په ګمارنه کې کار کړي وکړي.

د دغه هوکړه ليکونو د لاسليک موخه، د طرفينو د منسوبيونو د زده کړو دې کچې ظرفيت لوړولو د ځانګړو فرصتونو رامنځته کول، د تخنيکي او مسلکي زده کړو په چوکاټ کې د سړک جوړولو ملي انسټيټوټ تاسيس او د افغانستان د اوسپنې پټلۍ د قانون مطابق او د اوسپنې پټلۍ ادارې په چوکاټ کې د اوسپنې پټلۍ ملي انسټيټوټ رامنځته کول او تاسيس او همدارنګه د درې اړخيزه همکاريو پياوړتيا.

 

...

۱ کال 2 میاشتې ago

...

...

تازه خبرونه

دوشنبه ۱۴۰۳/۵/۲۲ - ۱۵:۱۴
Background image

ټولګټو وزارت د یو کلنو لاسته راوړنو د تشریح په پروګرام کې خپل کلنی راپو وړاندې کړ

ټولګټو وزارت د امارتي ادارو د یو کلنو لاسته راوړنو د تشریح پروګرام په لړ کې، نن ورځ دوشنبه د یاد وزارت د فعالیتونو او لاسته راوړنو راپور د دغه وزارت د مسؤولینو له لوري د حکومت د طلاعاتو. . .

شنبه ۱۴۰۳/۵/۲۰ - ۱۱:۳۶
Background image

د حيرتان اړوند نايب آباد سټيشن ګټې اخيستنې ته وسپارل شو

د حيرتان-مزارشريف د اوسپنيزې کرښې اړوند نايب آباد سټيشن (څلورم-پورټ) د افغانستان اسلامي امارت د لوړپوړو اقتصادي چارواکو او ازبيکستان هيواد د ريل پټلۍ چارواکو په شتون کې په بشپړ ډول فعال. . .

یکشنبه ۱۴۰۳/۵/۱۴ - ۸:۵۳
Background image

د ټولګټو وزارت سرپرست وزير د کابل-کندهار لويې لارې له کاري بهير څخه ليدنه وکړه

د ټولګټو سرپرست وزير محترم الحاج ملا محمد عيسی ثاني کندهار ولايت ته د خپل کاري سفر په ترڅ کې د کابل - کندهار لويې لارې د بېلا بېلو برخو له کاري بهير څخه ليدنه وکړه. 
دغه راز د ټولګټو. . .

BACK TO NEWS