ټولګټو وزارت د کندهار - دايکنډي او باميان - دايکنډي په عمومي مسيرونو کې د ۶ میلیونه افغانیو په ارزښت د دوو ترمیماتي پروژو چارې پيل کړې
د دايکنډي ولايت اړوند د لادوگگ تپې د ۳ کیلومتره سړک د جغل اچولو پروژه، چې ۱۱ پایې پلچکونه هم پکښې شامل دي؛ د (۴۳۰۰۰۰۰) افغانیو په ارزښت او د ياد ولایت د شهرستان ولسوالۍ اړوند د ۲۰ کیلومتره اسفالتي سړک د اوږو (شولډر) ترمیم او د سړک د درزونو نیولو او ترمیم پروژه، چې له کهنه ده کلي څخه تر برلان بند بازار پورې رسيږي، د (۱۷۰۰۰۰۰) افغانیو په ارزښت د ټولګټو وزارت لخوا د دوو ساختماني او سړک جوړونې شرکتونو سره قرارداد شوې دي، چې د يادو دواړو پروژو کار رسماً پیل شوی دی.
د دغو پروژو د پرانیستې په مراسمو کې، د ياد ولایت د ټولګټو رئیس، تخنیکي انجنیرانو او د تطبیق کوونکو شرکتونو استازو ګډون کړی وو.
د یادونې وړده چې دغه پروژې به د دوو میاشتو په موده کې بشپړې او ګټې اخیستنې ته وسپارل شي، چې د دایکندي د ولسونو لپاره به په ټرانسپورټي برخه کې ګڼ شمېر اسانتياوې رامنځته کړي.
